OS CANS TAMÉN CONTAN

O xoves foi un día moi especial para nós. Recibimos a visita de Susana e María que, ademáis de contacontos, son especialistas en adestramento canino e instructoras de cans de asistencia. Nesta visita as acompañaron Bico e Pipa, dous cans moi agarimosos aos que puidemos acariñar e aos que tratamos coa máxima consideración e respecto.

Bico con María e Susana

Pipa deixándose aloumiñar moi gostosa.

Ademais da escolla de contos coa que nos deleitaron, aproveitaron tamén para contarnos sobre a vida de Pipa e Bico e deixáronnos como agasallo a súa historia.

Comprobamos cómo Pipa e Bico gozaban tamén das lecturas e moitas de nós xa estamos preparando as nosas lecturas para lerlles aos nosos compañeiros caninos nas nosas casas.

DÍA DAS LETRAS GALEGAS 2019

Dende o CEIP de Prácticas queremos desexarvos un Feliz Día das Letras Galegas! 

Antón Fraguas fundou cos seus compañeiros a Sociedade da Lingua cando tiña 18 anos (en 1923). Algúns dos obxectivos desta iniciativa eran defender o galego e crear un dicionario que nunca vería a luz. Como homenaxe, quixemos rescatar algunhas das palabras que máis nos gustan da nosa lingua ou que nos chaman a atención. Cada alumno aportou a súa palabra ao mural da entrada. 

Ademais, para celebrar este día, o mércores e o xoves levamos a cabo un apadriñamento lector. O alumnado de 5º e 6º de Primaria leu ao alumnado de Infantil e 1º ciclo. 

Deixámosvos a Guía de Lecturas en galego que se repartiu no día de onte.

LETRAS GALEGAS 2019

Este ano o Día das Letras Galegas está adicado ao mestre e escritor galeguista Antón Fraguas e coa idea de que o coñezades mellor, na entrada da nosa escola podedes atopar algunhas das novas adquisicións que fixemos con este motivo:

A laranxa pequeniña cabe dentro do limón,

tamén ti miña meniña cabes no meu corazón.

Anque te volvas serpente, anque te tires ao mar;

anque te envolvas na area, eu buscar heite buscar.

Enlazámosvos tamén algúns videos que podedes atopar na rede creados por alumnado da ESO

Preme aquí para ver

Mentras tanto, estes días o alumnado de Primaria participa nunha xincana polos corredores do colexio en busca das respostas ás cuestións sobre a vida de Antón Fraguas que lles plantexamos:

   

A semana continúa e tamén a festa das nosas Letras! 

SEMANA DA EDUCACIÓN VIARIA

Aquí vos deixamos algunhas lembranzas desta semana na que tanto aprendemos sobre normas de circulación e seguridade viaria grazas as actividades prestadas pola Policía Local, a Dirección Xeral de Tráfico (DXT), a Asociación Stop Accidentes e a Fundación Mapfre. Agradecémoslles a súa dedicación!

Pasámolo incríbel no circuito de karts!

Grazas aos axentes policiais coñecimos máis de cerca os vehículos da Policía do noso concello.

Por uns días o noso patio cuberto semellou ás nosas rúas, coas súas estradas, pasos de peóns ou semáforos.

Gozamos tanto de esta experiencia que nos tarda volver a repetila!