Os nenos e nenas de Segundo de Primaria
pasamos unha xornada moi divertida no Porto de Coruña.
Alí percorremos diversas zonas do Porto Interior, como o Peirao de
Trasatlánticos e o Peirao de Linares Rivas. Na Lonxa baixamos do autobús e
percorremos a pé o seu interior; visitamos o Centro de coordinación e
seguridade do porto, asistimos a unha actividade didáctica de simulación dunha
poxa e por último, visitamos os almacéns de exportadores e as salas de poxa da
lonxa.
O máis
interesante foi poder ver de cerca e tocar especies como o rape, pescada, un
peixe espada xigante, centolas, nécoras, luras, polbo, percebes,
cigalas, bogavantes e mesmo un tiburón. O noso guía Manuel e os traballadores
da Lonxa deixáronnos xogar co xeo. Pasámolo xenial!
