O CEIP DE PRÁCTICAS BERRA NON Á VIOLENCIA DE XÉNERO

25 DE NOVEMBRO
DÍA INTERNACIONAL CONTRA Á VIOLENCIA DE XÉNERO.

Onte, 25 de novembro, foi un día negro. As nosas vestimentas tinxíronse da mesma cor que a lacra social que estamos a vivir.
Familia e escola teñen que traballar unidos contra este mal, dende as idades máis temperás. A educación é a chave clave.
Para berrar que estamos todas e todos unidos dispostos a loitar contra a violencia de xénero, cantamos " CHEA DE VIDA"  de Guadi Galego.
Erguemos moi alto as mans de cor morado, reivindicando que NIN UNHA MENOS.


Deixamos aquí, a nosa manifestación e total inaceptación contra a violencia de xénero.

Tamén tivo lugar un obradoiro con representacións teatrais e finalmente, saímos todas xuntas e todos xuntos facendo  un lazo representativo do día.

OS DEREITOS DA INFANCIA

Hoxe mércores día 20 de novembro celébranse os 30 anos dos Dereitos da Infancia e dende o noso cole decidimos recollelos nun video para lembralos e darllos a coñecer a aqueles que aínda non os coñecen. Porque coñecelos é o primeiro que podes facer polos nosos dereitos. E esta é unha boa data para reflexionar sobre cómo respectamos e promovemos estes dereitos.

Pensades que estes dereitos se respectan e se cumpren para todas as nenas e nenos no mundo? E aquí preto de nós? Tamén é por igual entre as nenas e os nenos? E que pasa coas crianzas con algunha discapacidade, terán as mesmas oportunidades?

Deixámosvos dándolle unha volta.

Unha semana de medo!

En Segundo de Primaria pasamos unha Semana de medo 👻realizando traballos terroríficos, caracterizándonos de personaxes maléficas e dramatizando o conto do Tesouro da momia 💀

ALGUNHAS CANCIÓNS I

As nenas de Infantil queremos compartir con vós algunhas das cancións e poemas que sabemos para que poidades recitalas connosco. Esperamos que vos gusten.

EXTRA, EXTRA! O PAPAGAIO XA ESTÁ AQUÍ!

Temos nova suscripción na BiblioXocas!

Trátase do xornal O PAPAGAIO, un xornal editado en papel a toda cor, en galego e para xente miúda. Trata temas de ciencia, ecoloxía, banda deseñada, arquitectura, literatura... e todo isto dunha forma amena e divertida.

Recibirémola mensualmente e poderedela atopar na biblioteca aínda que contamos cun número extra que circulará polas aulas. Nestes momentos a rapazada de 6º de EP xa está expremendo todo o seu contido... xa gozaron de momentos de lectura en grupo, comentando as noticias máis chamativas e aclarando entre eles o que outros descoñecían. 

NON VOLA PERDADES!!
PINCHA AQUÍ para ler un Papagaio na rede

O NOSO SAMAÍN

TACHÁN, TACHÁN!! ÁBRESE O TELÓN!!:

Aparecen: Maléficas, Dráculas, Momias, Pantasmas, Cabaciñas, Morcegos, Demos,  Esqueletes,etc...

É O NOSO SAMAÍN DO COLE DE PRÁCTICAS.

Un ano máis, pasámolo TERRORÍFICAMENTE.  Primeiro coa exposición de cabazas de toda temática, dende Spiderman, Noivas Cadáver, Frankenstein. Para logo recibir á bruxa Irina que nos obsequiou cunha historia arrepiante aos máis pequenos. Os nenos de 2º de EP interpretaron unha canción que nos deixou cos pelos de punta. Nos últimos ciclos os nenos contaron algúns dos seus contos propios aos compañeiros; noraboa polo traballo!

Dentro das aulas, tivemos un pouquiño de medo posto que as nosas e os nosos alumnos, convertéronse en rapaces e rapazas posuídas, animaliños con colmiños ensanguentados, por non toparse  con cociñeiras e cociñeiros que non tiñan case nada de branco nos seus desfraces.

A esta gran festa uniuse unha banda que nos amenizou con música "enfeitizada" facéndonos danzar a reo.

Agradecer  a colaboración da ANPA na degustación de castañas, quentiñas, saborosas e sobre todo fáciles de pelar.

Que ben o pasamos!! Mágoa de ter que esperar un aniño máis.

Vémonos ata o vindeiro ano.

A min non me comas de OQO editora foi o conto elixido para EI